Solid Smoke

മൂന്ന് വര്‍ഷങ്ങള്‍ക്ക് മുമ്പാണ് അഷ്ടമൂര്‍ത്തി സാറിന്റെ ഒരു കുറിപ്പിലൂടെ CP റോജന്‍ എഴുതിയ " മിയ എന്ന പൂച്ചക്കുട്ടി " എന്ന പുസ്തകത്തെക്കുറിച്ച് അറിയുന്നത്. തിരുവനന്തപുരത്ത് ഒന്ന് രണ്ട് പുസ്തകക്കടകളിലും പിന്നെ പല ഓണ്‍ലൈന്‍ കടകളിലും അന്വേഷിച്ചിട്ട് പുസ്തകം കിട്ടിയില്ല. അവസാനം ഞാന്‍ ഫെയ്സ്ബുക്കിലൂടെ ശ്രീ റോജനുമായി ബന്ധപ്പെട്ടു. പുസ്തകം തിരുവനന്തപുരത്ത് എവിടെക്കിട്ടുമായിരിക്കും എന്ന ചോദ്യത്തിന് "വിലാസം തരൂ ഞാന്‍ അയച്ചുതരാം" എന്നായിരുന്നു മറുപടി. അക്കൗണ്ട് വിവരങ്ങള്‍ തന്നാല്‍ പുസ്തകത്തിന്റെ വില ഞാന്‍ തരാം എന്ന് പറഞ്ഞപ്പോള്‍ "ആദ്യം വായിക്കൂ, എല്ലാത്തിനും സമയമുണ്ട്" എന്ന മറുപടി. എന്നാല്‍ ശരി ബാക്കി വായിച്ചിട്ട് അറിയിക്കാം എന്ന് ഞാനും പറഞ്ഞു. പുസ്തകം വന്നു. വായിച്ചു. ഒരുപാട്, ഒരുപാട് ഇഷ്ടപ്പെട്ടു. പക്ഷേ റോജനെ അറിയിക്കാന്‍ ഏതോ തിരക്കിനാല്‍ വിട്ടുപോയി.  ഇതെല്ലാം നടക്കുന്നത് 2016 സെപ്റ്റംബറില്‍. വളരെ മോശമായിപ്പോയി എന്ന് ഞാന്‍ എന്നോട് തന്നെ ഇടയ്ക്ക് ഓര്‍മ്മവരുമ്പോള്‍ പറയും. ഇത്രയും കാലം കഴിഞ്ഞിട്ടും ഈ പുസ്തകവും എഴുത്തുകാരനും പക്ഷേ മനസ്സില്‍ നിന്ന് മാഞ്ഞില്ല. അത്...

ഇന്നലെ വൈകുന്നേരം വണ്ടിയോടിക്കുമ്പോള്‍ കേള്‍ക്കാനിടയായ തിരുവനന്തപുരം അനന്തപുരി FM-ന്റെ ഫോണ്‍-ഇന്‍ പരിപാടിയില്‍ നിന്ന്. പരിപാടി അവതരിപ്പിക്കുന്നത് താമരശ്ശേരി നീലാംബരന്‍ സാര്‍. --------------------------------------------------------------- നീലാംബരന്‍ സാര്‍: ഹലോ.. രാഹുല്‍: ഹലോ.. ... സാര്‍: മോന്‍ ഏത് ക്ലാസ്സിലാ പഠിക്കുന്നത്? രാഹുല്‍: ഏഴാം ക്ലാസ്സില്‍ സാര്‍: പഠിത്തമൊക്കെ എങ്ങനെ പോകുന്നു? ക്ലാസ്സില്‍ രാഹുല്‍ എത്രാമനാ? (മലയാളത്തിന് നന്ദി. ഇംഗ്ലീഷില്‍ ഇത് ചോദിക്കാന്‍ കുറച്ച് കഷ്ടപ്പെട്ടേനേ..) ഒന്നാമതാണോ? രാഹുല്‍: അല്ല. ഞാന്‍ രണ്ടാമനാ സാര്‍: രാഹുല്‍ നന്നായി പഠിച്ച് വേഗം തന്നെ ഒന്നാമനാകണം. കേട്ടോ.. രാഹുല്‍: ശരി (?) സാര്‍: രാഹുലിന് ഏത് വിഷയമാണ് ഏറ്റവും ഇഷ്ടം? രാഹുല്‍: സയന്‍സ് സാര്‍: ആഹാ.. വലുതാവുമ്പോള്‍ മോന് ആരാകണമെന്നാ ആഗ്രഹം? രാഹുല്‍: കാര്‍ട്ടോഗ്രാഫര്‍! സാര്‍: ങേ? ജെബാ? രാഹുല്‍: കാര്‍ട്ടോഗ്രാഫര്‍ (?) സാര്‍: ഏ? ങ്ഹാ.. അതാകാനാണല്ലേ ആഗ്രഹം.. ശരി ശരി.. മോനേത് പാട്ടാ വേണ്ടത്? (ഹാവൂ..) ... സാര്‍: ബ്ലഡി ഔട്ട്സ്പോക്കണ്‍ കാര്‍ട്ടോഗ്രാഫേഴ്‌സ്! (എന്ന് മനസ്സില്‍ പറഞ്ഞിട്ടുണ്ടാകണം...

ആഷിക് അബുവിന്റെ പുതിയ സംരംഭം 'ഇടുക്കി ഗോള്‍ഡ്' പ്രദര്‍ശനം തുടങ്ങിയിട്ട് ഇപ്പോള്‍ ഏതാനും ആഴ്ചകളായിരിക്കുന്നു. പ്രതാപ് പോത്തന്‍, രവീന്ദ്രന്‍, മണിയന്‍പിള്ള രാജു, ബാബു ആന്റണി, വിജയരാഘവന്‍ എന്നിവര്‍ മുഖ്യകഥാപത്രങ്ങളെ അവതരിപ്പിക്കുന്നു. സജിത മഠത്തില്‍, ജോയ് മാത്യു, രവി വള്ളത്തോള്‍ എന്നിവര്‍ അത്ര പ്രധാനമല്ലാത്ത റോളുകളില്‍ ഉണ്ട്. ഇടുക്കിയിലെ ഒരു ചെറിയ സ്കൂളില്‍ പണ്ട് ഒന്നിച്ച് പഠിച്ച അഞ്ച് കൂട്ടുകാര്‍ വര്‍ഷങ്ങള്‍ക്ക് ശേഷം (അതായത് അവര്‍ പ്രതാപ് പോത്തന്റേയും, വിജയരാഘവന്റേയുമൊക്കെ പ്രായമായപ്പോള്‍) ഒത്തുകൂടുന്നതും  ഓര്‍മ്മകള്‍ അയവിറക്കാന്‍ ഇടുക്കിയിലേക്ക് നടത്തുന്ന യാത്രയുമാണ് കഥാവൃത്തം. ഭൂതവും വര്‍ത്തമാനവും ഇടകലര്‍ത്തിയാണ് സിനിമ പുരോഗമിക്കുന്നത് (പേടിക്കണ്ട, Memento പോലെ വട്ടാക്കുന്ന ഫ്ലാഷ്-ബാക്കുകളൊന്നുമല്ല). ഇടുക്കിയിലെ മലനിരകളില്‍ വളരുന്ന കഞ്ചാവാണത്രേ ഈ 'ഇടുക്കി ഗോള്‍ഡ്'. "ശിവന്‍ മുതല്‍ ചെഗുവേര വരെ" വലിച്ചിരുന്ന നീലപ്പുക എന്ന് ചിത്രം അവകാശപ്പെടുന്നു. ഈ കഞ്ചാവ് ചിത്രത്തിലെ കഥാപാത്രങ്ങള്‍ക്ക് ഒരു പ്രധാന മോട്ടിവേറ്ററാണ്. പഴയകാലം ഓര്‍ക്കുക മാത്രമല്ല, ഇടുക്ക...

ഇന്നത്തെ പത്രത്തില്‍ കണ്ട ഒരു പരസ്യം: കാമദേവാകര്‍ഷണ ഏലസ്സ് ശത്രുവശ്യം, രാജവശ്യം, പൊതുജനവശ്യം, പിണങ്ങി പിരിഞ്ഞ ഭാര്യാ ഭര്‍ത്താക്കന്‍മാര്‍, കാമുകീ കാമുകന്‍മാര്‍, പ്രിയസുഹൃത്തുക്കള്‍, ബന്ധുമിത്രാദികള്‍ എന്നിവര്‍ തിരിച്ചു വരുന്നതിനും, എന്നെന്നും പരസ്പരാകര്‍ഷണത്തോടെ കഴിയുവാനും ആരെയും മയക്കുന്ന അനംഗമന്ത്രം ചേര്‍ത്ത് തയ്യാര്‍ ചെയ്യുന്ന അതിശക്തിയേറിയ കാമദേവാകര്‍ഷണ ഏലസ്സ്. വശീകരിക്കുന്നതിനു വേണ്ടി അത്ഭുതകരമായ രീതിയില്‍ പ്രവര്‍ത്തിക്കാന്‍ മാന്ത്രിക തകിടില്‍ അംഗരാഗ കുങ്കുമവും സിദ്ധൗഷധവും ചേര്‍ത്ത് തയ്യാര്‍ ചെയ്യുന്നു. ആനന്ദമകരന്ദം ആയുസ്സ് മുഴുവന്‍. ഈ വശീകരണ ഏലസ്സ് വേണ്ടവര്‍ താഴെക്കാണുന്ന അഡ്രസ്സില്‍ എഴുതുക/ഫോണ്‍ ചെയ്യുക. xxxxxxxxxxxxxxx പാലക്കാട്-12 ph. 0491-xxxxxxx, xxxxxx. NB. അനുകരണം അഭിനന്ദനമാണ് പക്ഷേ അത്  കച്ചവട വിഷയങ്ങളില്‍ മാത്രമാണ് ആദ്ധ്യാത്മിക രംഗത്ത് അനുകരണം കബളിപ്പിക്കലാണ്. അനുകരണങ്ങളെ സൂക്ഷിക്കുക. അവഗണിക്കുക. കാമദേവാകര്‍ഷണ ഏലസ്സ് ഈ പൂജാമഠത്തിലല്ലാതെ ലോകത്ത് മറ്റൊരിടത്തും തയ്യാര്‍ ചെയ്യുന്നില്ല. --------------- രുദ്രാക്ഷ മാഹാത്മ്യം പാഠപുസ്തകത്തില്‍ ഉള്‍പ്പെടുത്തി...

ശ്യാമപ്രസാദിന്റെ ഏറ്റവും പുതിയ സിനിമയായ " അരികെ - so close " -ലെ ' ഇരവില്‍ വിരിയും പൂ പോലെ ' എന്ന ഗാനം റേഡിയോവില്‍ കേല്‍ക്കാന്‍ ഇടയായി. പാട്ടു കേട്ടപ്പോള്‍ എവിടെയോ കേട്ടുമറന്ന മാതിരി. ഒടുവില്‍ തപ്പി കണ്ടുപിടിച്ചു. ഔസേപ്പച്ചന്‍ ഈണം നല്കി, മംത മോഹന്‍ദാസ് ആലപിച്ച ഈ ഗാനത്തിന് ആമിര്‍ (2008) എന്ന ഹിന്ദി ചിത്രത്തിലെ 'ഏക് ലോ ഇസ് തരഹ്' (ആലാപനം ശില്പ റാവു , സംഗീതം അമിത് ത്രിവേദി) എന്ന ഗാനവുമായി അനിഷേദ്ധ്യമായ സാമ്യമുണ്ട്. ഈ രണ്ട് ഗാനങ്ങളും ഒന്ന് കേട്ടു നോക്കൂ.. ആമിര്‍ - ഏക് ലോ ഇസ് തരഹ്: അരികെ - ഇരവില്‍ വിരിയും പൂ പോലെ: എന്ത് തോന്നുന്നു?  

തൊട്ടുമുമ്പത്തെ പോസ്റ്റിന് ( കണ്ടംപെറ്റി ) അനുബന്ധമാണിത്. അതില്‍ പറഞ്ഞ സുഹൃത്തുമായി വീണ്ടും സംസാരിച്ചു. അങ്ങേര്‍ക്ക് വിഷമമുണ്ടാക്കിയ മറ്റൊരു സംഗതി: 'ട vs ഡ'. "ട ഠ ഡ ഢ ണ" എന്നതിലെ സംഗതികള്‍ തന്നെ. 'ട' എന്നതിന്റെ ഉച്ചാരണത്തില്‍ ഒരു കടുപ്പമുണ്ടെങ്കിലും മലയാളികള്‍ അതിനെ 'ഡ' എന്ന് ഉച്ചരിക്കുന്നു എന്നാണ് പരാതി. അങ്ങനെയാണെങ്കില്‍ വാടാ, പോടാ, കുട എന്നതിന് പകരം വാഡാ, പോഡാ, കുഡ എന്നൊക്കെ എഴുതിയാല്‍ പോരേ എന്നാണ് ചോദ്യം! തമിഴില്‍ ഇത്രയൊന്നും 'ട'-കള്‍ ഇല്ലെന്നറിയാമല്ലോ. നമ്മുടെ ലിപിയില്‍ അധികം അക്ഷരങ്ങളുണ്ടെങ്കിലും നമ്മള്‍ തമിഴിനെ അനുകരിച്ച് അവയെല്ലാം ഉപയോഗിക്കുന്നില്ല എന്നൊരു തിയറിയും പുള്ളി മുന്നോട്ട് വച്ചു. നേരത്തേ പറഞ്ഞതുപോലെ, പുതിയതായി മലയാളം പഠിക്കുന്ന ഒരാള്‍ക്ക് അല്പം ആശയക്കുഴപ്പമുണ്ടാക്കുന്ന ഒരു പ്രശ്നം തന്നെ!

കുറച്ചു നാളുകള്‍ക്ക് മുന്പ്, നെടുമങ്ങാട് ജങ്ങ്ഷനിലൂടെ ബസ്സില്‍ പോകുമ്പോള്‍ ഒരു പരസ്യ ബോര്‍ഡ് കണ്ടു: കണ്ടെംപെററി റോപ്പ് ഡാന്‍സ് താഴെ കുപ്പായമിടാത്ത ഏതാനും നര്‍ത്തകരും! എന്താണീ 'കണ്ടെംപെറ്റി' നൃത്തം എന്നാലോചിച്ച് പുകഞ്ഞുകൊണ്ടിരുന്നപ്പോഴാണ് പെട്ടെന്ന് ബോധോദയമുണ്ടായത് - contemporary എന്നാണ്. 'ററ' എന്നത് 'റ്റ' എന്ന് വായിച്ചുപോയി. കുറച്ചുകാലം മുന്പ്, മലയാളം പഠിച്ച ഒരു ആന്ധ്രകാരന്‍ സഹപ്രവര്‍ത്തകനുമായി നടന്ന സംഭാഷണം ഓര്‍മ്മ വന്നു. മലയാളത്തില്‍ കൂട്ടക്ഷരങ്ങള്‍ കാരണം ഉണ്ടാകുന്ന ambiguity-യെ കുറിച്ച് പുള്ളിക്കാരന്‍ കാര്യമായി വാദിക്കുകയായിരുന്നു. നമ്മള്‍ മലയാളികള്‍ക്ക് വളരെ സ്വാഭാവികമായി തോന്നുന്നതും, എന്നാല്‍ പുതുതായി ഭാഷ പഠിക്കുന്ന ഒരാള്‍ക്ക് പ്രയാസമുണ്ടാക്കുന്നതുമായ കൂട്ടക്ഷരങ്ങളായിരുന്നു മിക്ക ഉദാഹരണങ്ങളും. 'ഝ' എന്നെഴുതിയാല്‍ എങ്ങനെ വായിക്കും എന്നതായിരുന്നു ഒരു ചോദ്യം. സാധാരണ കൂട്ടക്ഷരങ്ങള്‍ പോലെയാണെങ്കില്‍ 'ത + ധ' എന്നോ 'ത + ഡ' എന്നോ വായിക്കേണ്ടി വരും. 'ഈ ചിഹ്നം ഇങ്ങനെയാണ് ഉച്ഛരിക്കേണ്ടത്, അത്രതന്നെ' എന്ന വാദം സമ്മതിക്കണമെങ്കില്‍ കൂട്ടക്...